Il cjantautôr De Angelis cuintri la violence su lis feminis

Inte suaze des iniziativis promovudis de Regjon par promovi la Zornade internazionâl pe eliminazion de violence cuintri lis feminis, il cjantautôr Edoardo De Angelis al presente il conciert multimediâl “Anna ha visto la luna” (“Ane e à viodût la lune”), che al racuei storiis di amôr e di vite dedicadis a dutis lis feminis. In regjon simpri plui dispès intai ultins agns, in graciis des colaborazions cu la associazion Cjançons di Confin, cun Folkest e vuê cu la associazion culturâl CulturArti, là che si inmanee il festival “Frattempi”, il cjantautôr al presente il spetacul sabide ai 9 a Mueç, domenie ai 10 a Pontebe e po dopo ae fin dal mês e in Dicembar a Buri, Lauc, Tumieç, Paulêt, Scluse e Gardiscje. (A.I.) – 08.11.2024