Un fumet ispirât al Pasolini furlan dal dopovuere

“Non possiamo che andare avanti” (“O podìn dome che lâ indenant”) di Silvia Rocchi al è il titul de mostre che il Centri Studis Pier Paolo Pasolini di Cjasarse, in colaborazion cul Palaç dal Fumet di Pordenon, al scree sabide ai 9 di Novembar aes 3 di dopomisdì inte sede dal Centri Studis: une gnove esplorazion a fumets dal romanç “Il sogno di una cosa”. La esposizion, in sierade de cunvigne dedicade a Nico Naldini, e presente lis 21 taulis a colôrs de conte a fumets di Silvia Rocchi, che si ispire al prin romanç di Pasolini, scrit dal 1949 al 1950, jessût intal 1962 e ambientât intal Friûl rurâl dal dopovuere. (A.I.) – 08.11.2024