Intal Salon dal Parlament dal Cjistiel di Udin, martars ai 12 aes 6 dopomisdì, e sarà la presentazion dal libri postum di Pierluigi Cappello, “Come un sentiero di matita. Poesie, prose, interventi”, jessût par Rizzoli: une racuelte di poesiis e di prosis che a incjarnin la essence de poetiche di Cappello. L’apontament al fâs part de rassegne “Dialics in biblioteche”, al è promovût de associazion Pierluigi Cappello in colaborazion cu la biblioteche Civiche Joppi. Une ocasion par celebrâ la memorie e la ereditât culturâl dal poete furlan, citadin onorari di Udin, cu la partecipazion di Antonella Sbuelz, Mario Turello e Gian Mario Villalta, no dome amîs di Pierluigi, ma cognossidôrs profonts de sô opare fint dal inizi. Dongje di lôr, a saran proponudis cun di plui leturis par cure di Giorgio Monte. (A.I.) – 11.11.2024
Foto di L. d’Agostino
