Udin e je la uniche citât dal Nordest fra lis tapis de tournée che la Chamber Orchestra of Europe, direte dal innomenât Sir Antonio Pappano, e je daûr a fâ in Italie e che, dopo vê tocjât ancje la Gjermanie, si sierarà li de Philharmonie di Parîs. Il grup cosmopolite e il grant diretôr britanic contindût di plui teatris dal mont a rivaran par sunâ cul pianist Bertrand Chamayou tal Teatri gnûf “Giovanni da Udine” joibe ai 14 aes 8.30 sot sere. Prime dal conciert, tal dopomisdì, e sarà fate une conference par cure dal musicolic e musicist Attilio Piovano, che al ufrirà al public une vuide interessante ae scolte dai tocs che a saran fats di sere. Il program dal conciert al è un dialic ideâl fra Parîs e New York sul principi dal Nûfcent. (A.I.) – 13.11.2024
Foto di Musacchio & Ianniello
