Cantîr sot secuestri a Gurize pai tubis cul amiant

I carabinîrs dal Noe a àn metût sot secuestri a Gurize un cantîr indulà che a stavin cambiant lis vecjis condotis dopradis par puartâ il gas.

Il secuestri al è stât decidût de Procure di Gurize dopo che i carabinîrs si son inacuarts, cuntune investigazion tacade tal Març di chest an, che lis condotis cun dentri amiant no vignivin puartadis vie in sigurece come che e proviôt la normative, ma a vignivin lassadis indulà che a jerin. (a.d.g.) – 13.11.2024