La ‘fabriche’ di ideis dal fumetist Luigi Bernardi

Lis ideis, i progjets, lis iniziativis editoriâls, i incuintris che a àn caraterizât la vite di Luigi Bernardi a componin la mostre “Opificio Bernarts” tal Palaç dal Fumet di Pordenon dai 16 di Novembar e fint ai 8 di Dicembar. In esposizion, une sessantine di oparis di divierse nature e divignince: esemplârs di publicazions des cjasis editoris e golainis diretis o creadis dal stes autôr, materiâl dal archivi des cjasis editoris e personâl: fotos, documents, materiâl promozionâl, taulis origjinâls di artiscj che a àn lavorât cun Bernardi e alc altri. Une masse di materiâl che e cuvierç i agns dal 1978 al 1996. (A.I.) – 15.04.2024