I ‘segns’ di un artist cilen tal Centri “Balducci”

Miercus ai 20 aes 6 di dopomisdì, tal centri “Balducci” di Çuian, si scree la mostre “Piccoli segni”: un “viaç traviers la fragjilitât dai fruts” dal cilen Nicolò Lira, che al presentarà la mostre e al dialogarà cul president dal “Balducci” Paolo Iannaccone e cun Anna Piuzzi. La mostre e sarà vierte fint a sabide ai 30 di Novembar e dopo si movarà a Triest, tal Antico Cafè S. Marco. Nicolò Lira, nassût intal 1981 in Cile, al è vignût a stâ in Italie dal mês di Mai dal 2024 cu la femine e doi fîs, dopo jessi scjampât dal so Paîs, pleât di une crisi sociâl e economiche che e va indevant di simpri. Dal mês passât di Avost, la famee di Lira, che al à za metût in mostre lis sôs oparis in diviersis localitâts dal Cile e in Italie, e je ospitade dal Centri Balducci. (A.I.) – 18.11.2024