16
E je stade fate vie pe gnot di vuê une esercitazion cuintri dal terorisim de bande di plui di 30 carabinîrs che a rivavin di plui reparts.
La esercitazion e previodeve che i carabinîrs a vessin di fâ iruzion cu lis fuarcis speciâls, cjatâ une pussibile menace esplosive e neutralizâ personis cun armis.
Dut al è stât fat dentri dal centri comerciâl Tiare di Vilès. Ae ativitât a àn cjapât part ancje i sanitaris de Crôs rosse che si son esercitâts a recuperâ un ferît intant di une operazion di polizie. (a.d.g.) – 18.11.2024
