11
Al va in sene fasint tape in trê comuns diviers dal F-Vj, joibe ai 21 a Budoie (Teatri di Dardâc), vinars ai 22 tal “Capitol” di Pordenon e sabide ai 23 tal auditorium di Roncjis, inte suaze de vincjesime edizion de rassegne “La sene des feminis”, un dai spetacui plui amâts de Compagnie di Arti&Mestieri. “Dialogo estremo di una donna” (Dialic estrem di une femine) di e cun Bruna Braidotti pal acompagnament musicâl di Nicola Milan, al e’ un spetacul là che la autore e regjiste furlane e ribalte il mût di frontâ il teme de violence cuintri lis feminis: e rinunzie a descrivi i fats e lis vitimis massacradis e ofindudis, sielzint invezit di lâ drete al nucli dal probleme culturâl. (A.I.) – 20.11.2024
