Il festival “Anciuti”: di For Disore a Salisburc

Il cartelon 2024 dal “Anciuti Music Festival”, partît l’Istât passât a For Disore e inte mont furlane, cun cetancj concierts e cors par passe cuarante arlêfs, al siere joibe ai 21 di Novembar a Salisburc cuntun conciert speciâl dai artiscj dal festival al “Mozarteum”, compagn prestigjôs dal festival aromai di cualchi an. Il conciert, ospitât de massime istituzion musicâl mondiâl, al è dedicât aes sunadis talianis dal decim setim secul. I protagoniscj a saran Paolo Pollastri, diretôr artistic dal Festival, Alfredo Bernardini, Alberto Busettini e Claudia Cecchinato. (A.I.) – 20.11.2024