Simona Molinari, il conciert di une grande vôs

Un viaç in musiche traviers lis stagjons de vite, tocjant sintiments, passions, impegn, incjant e discjant. Simona Molinari, une des artistis jazz talianis di plui grant talent, e sarà ospite de stagjon musicâl dal Teatri “Pasolini” di Çarvignan curade di Euritmica, vinars ai 22, cuntun omaç ae icone argjentine Mercedes Sosa. In program grancj sucès scrits de cjantante, cualchi classic e un spazi impuartant dedicât al so ultin disc “Hasta Siempre Mercedes”, che al à permetût ae cjantante napoletane di vinci la Targhe “Tenco” tant che miôr interprete. Simona si è apassionade ae vite de Sosa e e je stade cjapade sot de sô personalitât e il so sintî. Une sfide coragjose par une artiste che e à colaborât cun artiscj dal nivel di Al Jarreau, Gilberto Gil, Peter Cincotti, Ornella Vanoni, Andrea Bocelli, Renzo Arbore, Lelio Luttazzi, Massimo Ranieri, Raphael Gualazzi, Fabrizio Bosso… (A.I.) – 20.11.2024