9
La citât di Udin e je pronte a fâ scomençâ in forme uficiâl il Nadâl, cu la cerimonie tradizionâl di impiament in Place Libertât, vinars ai 22 aes 5.30 dopomisdì, cuntun cont par ledrôs che al darà ancje la vie aes primis proiezions te façade de loze dal Lionel e aes sferis luminosis posizionadis tal centri dal teraplen: il puest ideâl pes fotos plui bielis dal Nadâl in citât. Daspò dai intervents istituzionâi dal sindic Alberto Felice De Toni, dal vicesindic Alessandro Venanzi e dal assessôr regjonâl Sergio Emidio Bini, il zîr di ‘impiaments’ al larà indenant cui arbui di Nadâl in Place Domo e in plaçute Lionel, par lâ po dopo indenant dilunc di dute vie Marcjâtvieri. (A.I.) – 21.11.2024
