Il Premi “Percoto” vinçût di une conte scrite cu la inteligjence artificiâl

Katja Voncina, autore e tradutore di Viene, origjinarie di Gurize, e je la prime vincidore dal Premi leterari tal non di Catarine Percude, inte sezion dedicade ae Inteligjence Artificiâl: une des novitâts di cheste edizion dal concors. La sô opare “La custode dei mondi”, une trame di elements fantastics cuntune critiche ae societât contemporanie, e à concuistât la jurie parcè che la autore e à doprât la inteligjence artificiâl par sostignî la scriture in maniere origjinâl e inovative. La cerimonie di premiazion dal Premi promovût dal Comun di Manzan in onôr di Catarine Percude, scritore e inteletuâl nassude a Solescjan di Manzan, si è fate intal antîc Foledôr di Manzan. A vinci la sezion “tradizionâl” dal Premi, sielte de jurie vuidade di Elisabetta Pozzetto, e je stade Laura Chiabudini cu la sô conte “Loop”. Al secont puest la jurie e à sielt la conte “Droste” di Michele Londero. (A.I.) – 25.11.2024