Une storie vere: il maçalizi di dôs feminis a Udin tal ‘44

Inte suaze de rassegne leterarie “Di pagina in pagina” (Di une pagjine in chê altre), l’Assessorât ae Culture dal Comun di Glemone e organize in colaborazion cu la Biblioteche Glemonense un avigniment di riflession storiche e umane profonde.  Miercus ai 27 aes 5.30 di dopomisdì, propit te biblioteche civiche, al sarà presentât “Cronaca di un misfatto”, la storie di dôs feminis sassinadis a Udin tal 1944 di Elisa Meloni, fat cul contribût storic di Paolo Strazzolini. La opare, che e conte un dopli feminicidi sucedût dilunc de Seconde Vuere Mondiâl, al nas di une penze ricercje personâl e storiche di Elisa Meloni  che daspò di vê cjatât une vecje fotografie dal pari vie pe Vuere, e à ripuartât ae lûs une vicende tragjiche che si è davuelte intal Friûl dal 1944, tasude e dislontanade par decenis. (A.I.) – 25.11.2024