Seradis di classiche cun musiciscj zovins di ecelence

La musiche cence timp di Mozart, Schubert e Bach e rimbombarà intai teatris di Codroip e di Udin in graciis di doi apontaments de Orchestre zovine Filarmonici Friulani. Lis dôs seradis a viodaran protagoniscj musiciscj zovins di ecelence. Il prin apontament al è in program miercus ai 27 tal Teatri Benois De Cecco di Codroip cun “Mozart/Schubert”, un conciert che al varà tant che solist il clarinetist Francesco Cristante e diret di Constantin Schiffner. Il secont, “Bach2 – Back to Bach”, si tignarà domenie al prin di Dicembar. Za martars ai 26, il teatri di Codroip al ospitarà un incuintri speciâl cui artiscj: une vuide ae scolte fate di Alessio Venier, il diretôr artistic dai Filarmonici Friulani. (A.I.) – 25.11.2024