Om al cole ju’ dal cuviert a Gonârs, al è in cundizions griviis

Un om di 69 agns si è fat une vore mâl dopo jessi colât dal cuviert di une stale, di une altece di plui o mancul 4 metris.

Sul puest a son rivâts daurman, daspò de clamade al 112, une ambulance e l’elicotar. Il rianimadôr, dopo vê stabilizât il ferît, lu à puartât in svol cul elicotar in Codiç ros tal ospedâl di Udin, indulà che si cjate in cundizions une vore griviis. (a.d.g.) – 25.11.2024