9
Al vuidave cjoc in bale e par di plui cence patente. La Polizie locâl di Udin, sabide passade sot sere, e à fermât par un control inte zone di Udin Sud l’om intant che al lave ator cu la sô motociclete.
I agjents a àn cussì scuviert che l’om al veve la patente sospindude par vê za vuidât dopo vê bevût masse e che la moto e jere stade secuestrade pe mancjance de assicurazion.
Dopo vêi fat fâ l’alcul test, al è saltât fûr che al veve un tas alcolemic trê voltis plui alt dal limit e cussì e je partide la denunzie par vuide in stât di ebrietât, cu la confische de moto e une multe di 4.000 euros. (a.d.g.) – 25.11.2024
