6
La Confcommercio Udin e je in acuardi cu la soluzion comunicade dal Comun di Udin su la tornade dal marcjât in place XX Settembre.
“Intai ultins dîs – al à visât il president mandamentâl Giuseppe Pavan – si sin confrontâts cul vice sindic Alessandro Venanzi par cirî la soluzion miôr pe economie e o vin cjatât un acuardi su cheste impuartante cuistion pal centri storic. O spern che lis regulis fatis de Zonte comunâl a sedin rispietadis di ducj i sogjets cjapâts dentri. Come Confcommercio o sin sodisfats par une decision che e da rispuestis aes esigjencis dai citadins e des impresis, che a son i protagoniscj di une citât vivarose”. (a.d.g.) – 26.11.2024
