La “lenghe virâl” e met adun Gurize e Gnove Gurize

Al fasarà tape a Gurize, tant che avigniment speciâl de rassegne “Il libri des 18.03”, il scritôr Diego Marani, vincidôr de cuinte edizion dal Premi Leterari Friûl-Vignesie Julie “Il racconto dei luoghi e del tempo” (La conte dai lûcs e dal timp), istituît de Regjon cu la Fondazion Pordenonelegge. Al centri dal incuintri in program joibe ai 28, par sigûr aes 18.03, inte Sale Conferencis Trgovski Dom, la conte lungje “La lingua virale” (Italo Svevo edizioni), ambientât a cjaval dai doi confins, Italie e Slovenie, concepît intal spirt de Capitâl europeane de Culture che, dai 8 di Fevrâr dal 2025, al zontarà lis citâts di Gurize e Gnove Gurize. Introdot dal curadôr de rassegne Paolo Polli, Marani al cjacararà cui scritôrs Tullio Avoledo e Alberto Garlini. (A.I.) – 27.11.2024