Ai 5 di Lui dal 2025, Lazza in conciert a Lignan

Ancjemò une stele de musiche taliane e sielç il Friûl par fâ tacâ il so gnûf tour. Sabide ai 5 di Lui dal 2025 tal Stadi “Teghil” di Lignan al è previodût il prin dai concierts events di Lazza, un dai artiscj plui autorevui e impuartants de sene musicâl contemporanie in Italie, cun 109 discs di platin e 50 discs di aur al atîf, a pene premiât ai “SIAE Music Awards” inte categorie “miôr cjançon taliane in streaming” cun “Ceneri”. Il secont conciert di Lazza al è previodût ai 9 di Lui dal 2025 tal Stadi “San Siro” di Milan. I biliets a saran in vendite in rêt su Ticketone.it di joibe ai 28 di Novembar, des 2 dopomisdì, e ancje intai ponts vendite autorizâts des 11 di buinore di martars ai 3 di Dicembar. (A.I.) – 27.11.2024

Foto di B.C. Plakov