9
A son 50 i gnûfs arbui che la Aministrazion comunâl di Udin e à dât ordin di meti ju’ in vie Leopardi par ricualificâ la zone di Borgo Stazione. Il lavôr al rive daspò de rimozion des cisis fate timp indaûr e al ponte a rindi plui verde e vivibile cheste bande de citât cun beneficis pal benstâ dai citadins, pe cualitât dal aiar e par ridusi il cjalt vie pal Istât.
Za cumò in vie Leopardi a son 23 piruçârs, plantis sielzudis parcè che za dopradis une vore intes citâts e parcè che a resistin cu lis cundizions climatichis di cumò. Arbui dal stes gjenar, in dut 73, a son za presints ator par Udin e cualchidun al à plui di 40 agns. (a.d.g.) – 27.11.2024
