Storie di une femine plene di contradizions

E tache cuntune esclusive regjonâl la sezion “Gnovis Scrituris” de programazion di prose dal Teatri “Verdi” di Pordenon, curade de consulente Claudia Cannella. Vinars ai 29, Valentina Picello e il regjist argjentin Claudio Tolcachir si misurin cun grande intensitât intal ultin gjeniâl test scrit di Annibale Ruccello intal 1986, pôc prime di murî, a pene a trente agns. “Anna Cappelli” al è un test che al indaghe sul rûl de femine vie pal timp, cun umorisim, fevelant di indipendence, avignî, vivi di bessôi, mancjance di mieçs e di risorsis, lant traviers i labirints de ment di un personaç insolit, plen di contradizions, comovente e intrigose tal stes timp. (A.I.) – 28.11.2024

Foto di L. Angelucci