A son ducj finîts i biliets pal conciert di Cesare Cremonini in Friûl par l’Istât che e ven, domenie ai 8 di Jugn dal 2025 tal Stadi “Teghil” di Lignan. La date, che e ospitarà lis provis gjenerâls e il debut de tournée intai stadis che i passionâts a spietavin di cetant timp, “Cremonini Live 2025”, e à passât za i 500 mil biliets vendûts. Il stes Cremonini al à anunziât che al è dut plen pal conciert di viertidure, inmaneât di Live Nation Italia cun FVG Music Live e VignaPR, propit ae vilie de publicazion dal so otâf album “Alaska baby”, in jessude vinars ai 29. La publicazion e je stade anticipade dal singul “Ora che non ho più te”: il video al è stât zirât inte zone dai Magredis de Ciline, cu la colaborazion de Film Commission dal FVJ e di PromoTurismo. (A.I.) – 28.11.2024
Foto Luigi&Lango
