Trê oms di peraule e par beneficence

Pe decime edizion de serade benefiche “Spetacul e solidarietât”, inmaneade di Lions e Rotary di Tumieç cul patrocini dal Comun di Tumieç, sabide ai 30 tal Teatri “Candoni” e larà in sene “Tre uomini di parole” (Trê oms di peraule), cu la partecipazion di trê personalitât furlanis che no àn bisugn di presentazions. Mauro Corona, Toni Capuozzo e Gigi Maieron si cjataran, si contaran e a cjantaran sul palc, sentâts ator di une taule di ostarie, dialogant a muse vierte su temis di atualitât, societât, de lôr vite, tra storiis e rivelazions cence filtris. Un spetacul di grant sucès che al rive pe prime volte in Cjargne par sostignî chei che a àn bisugne sul teritori. (A.I.) – 29.11.2024