Cul furgon dentri de buteghe, vie bicicletis par 60 mil euros

Ancjemò une volte laris in azion inte buteghe di bicicletis Cicli Garzon in viâl Palmanova a Udin. I delincuents, tor des 3 di cheste gnot, a àn doprât un furgon par fiscâ un lastron de ativitât che e veve za patît robariis in passât. Trê laris a son cussì jentrâts cence nancje platâ la muse e a àn rivât a puartâ vie in pôcs minûts 20 bicicletis di corse professionâls par un valôr di 60 mil euros, cun dut che la buteghe e doprave sistemis di sigurece ae avanvuardie.

Lis bicis a son stadis cjamadis sul furgon doprât par jentrâ e daspò i laris a son scjampâts. Su la robarie a stan investigant i carabinîrs dal nucli radiomobil, rivâts sul puest adun cul personâl de Mondialpol. (a.d.g.) – 28.11.2024