Il president dal Consei regjonâl Mauro Bordin si è sintût mâl vuê di matine intant che al partecipave ae scree de gnove scuele materne a Tavagnà. Bordin al jere rivât di pôc cuant che, a pene taiât il nastri, al à tacât a sintîsi mâl e a pierdi lis fuarcis. L’om al è stât fat distirâ dentri di une des aulis e dopo cuindis minûts al stave miôr, tant che al à podût fevelâ par visâ des iniziativis de Regjon par frenâ il câl des nassitis. A pene finît il so discors però al à patît un gnûf mâl tant che al è stât domandât l’intervent di personâl sanitari de Vuardie mediche che si cjate li dongje. I sanitaris, daspò vêlu visitât, a àn decidût di trasferîlu tal ospedâl di Udin cuntune ambulance par fâi plui controi.
Bordin al è jessût dal ospedâl dome intal dopomisdì sul tart. (a.d.g.) – 28.11.2024
