Intai prins mês dal prossim an al sarà screât il gnûf implant metût su a Trasaghis dal Consorzi dal Persut di S. Denêl par recuperâ il sâl doprât in dut il distret par lavorâ l’innomenât persut, un câs unic tal so gjenar in Europe. Il gnûf stabiliment costât 4,5 milions di euro al fâs part dal progjet di economie circolâr dal Consorzi che a dâ forme al model di sostignibilitât de produzion, za inviât tal 2019 .
Il progjet dal gnûf implant al è stât presentât a Rome di Nicola Martelli e Mario Emilio Cichetti, tal ordin president e diretôr dal Consorzi inte suaze dal seminari “Valore concreto”, centrât su la sostignibilitât intes filieris Dop, come tal câs dal Persut di S. Denêl.
Il stabiliment di Trasaghis al lavorarà su dôs tipologjiis di scarts: il sâl e la salmuerie su dôs liniis diferentis. La prime pal sâl, ative par plui o mancul 200 zornadis vie pal an; la seconde, pe salmuerie che e sarà in opare par 350 zornadis vie pal an, par 24 oris al dî. (a.d.g.) – 29.11.2024
