La stagjon dal Bon e torne a Culugne

Il calendari de stagjon de Fondazion “Luigi Bon” si môf dal Teatri “Paolo Maurensig” di Felet ae sô cjase storiche di origjin, ven a stâi il Teatri Bon di Culugne. Martars ai 3 a saran protagonistis lis musichis di cualchi grant compositôr dal Votcent e dal Nûfcent tant che Fauré, Ravel e Franck, interpretadis dal elegant pianist di innomine internazionâl Sandro de Palma, acompagnât pe ocasion dai arcs dal Quartetto Adorno, componût di Edoardo Zosi e Liù Pellicciari (violin), Benedetta Bucci (viole) e Francesco Stefanelli (violonceI). Il prossim apontament de stagjon al sarà domenie ai 8 il conciert imersîf “Mezzocielo & Wine”, cun Matteo Bevilacqua (piano), Matteo Bellotto (scritôr) e la FVG Orchestra direte di Paolo Paroni (A.I.) – 02.12.2024