L’ospedâl di Tumieç al sarà slargjât e a saran fats invistiments su la tecnologjie.
SI trate di cuasi 33 milions di euros di finanziaments, stanziâts dal 2015 al 2018, che a permetaran di slargjâ il Pront socors, indulà che i lavôrs a tacaran la prossime Vierte.
Daspò al sarà fat su’ un gnûf edifici poliambulatori, il parc, l’adeguament antisismic de ale Est e une gnove jentrade. A nivel tecnologjic e sarà metude in vore une gnove Tac, gnûfs sistemis radiologjics mobii, un gnûf laser pe chirurgjie urologjiche e un gnûf ecograf pe sale operatorie.
Il progjet al è stât presentât vuê intal ospedâl di Tumieç dal assessôr regjonâl ae Salût Riccardo Riccardi, che al à garantît che l’ospedâl al tignarà lis sôs funzions e che nol sarà fat deventâ mancul impuartant di ce che al è cumò. (a.d.g.) – 04.12.2024
