Inovazion e formazion fondamentâls pes impresis

Dilunc de scree de gnove sede dal Its Academy Alto Adriatico a Pordenon, Luigino Pozzo, president designât di Confindustria Udine, al à sotlineât la impuartance fuarte dai istitûts tecnics superiôrs in chest moment: “O stin passant une rivoluzion tecnologjiche epocâl – al à declarât Pozzo – e o podìn frontâle dome cuntune formazion specialistiche che e dedi risultâts daurman pes nestris aziendis”.

Pozzo al à visât che la Italie e je in ritart rispiet a altris Paîs, prin fra ducj la Cine, intal miorâ percors formatîfs tecnics avanzâts. Par Pozzo la iniziative cjapade dal coleghe Michelangelo Agrusti che al à rivât a cjatâ dome in cuatri mês une sede formative e je un esempli straordenari di impegn. (a.d.g.) – 05.12.2024