Aziendis simpri plui sot atac dai piratis informatics, tant che il 7,6% dai incidents plui griviis a son sucedûts tal nestri Paîs. Cristian Feregotto, cjâf grup Telecomunicazions e informatiche di Confindustria Udine, al à visât dilunc de cunvigne dedicade ai oblics puartâts de normative europeane NIS2, che e je stade cjapade su’ dal decret legjislatîf 138 dai 4 di Otubar di chest an e jentrade in vigôr ai 16 di Otubar.
De cunvigne fate a palaç Torriani joibe ai 5 di Dicembar al è saltât fûr che i atacs a son in cressite dal 23% a pet dal an passât e che al è il setôr de manifature chel plui batût. “O savìn – al à dit Feregotto – che il fenomen dai atacs informatics al è in cressite esponenziâl, che nol sparagne nissun e che lis tensions gjeopolitichis di cumò no prometin nuie di bon”. (a.d.g.) – 05.12.2024
