Schirie di robariis intal Friûl di Mieç

Laris in azion a Codroip, indulà che sabide di sere, pôc dopo che al jere lât jù il soreli, a son sucedudis cuatri robariis dentri cjasis, dutis fiscant il barcon o la puarte.

Tal prin câs i delincuents a àn puartât vie de cjase di une femine di 74 agns zoiis par plui o mancul 5 mil euros. In altris dôs cjasis visitadis dai delincuents, chê di un om di 69 agns e chê di une siore di 68 agns, e je stade puartade vie mancul robe, ma inte cuarte cjase i laris a àn rivât a cjatâ zoiis par un valôr di 2.600 euros.

Su dutis chestis robariis a fasin lis investigazions i carabinîrs di Codroip. (a.d.g.) – 09.12.2024