54
Vie pe gnot, dilunc de autostrade A4, tra S. Zorç di Noiâr e Palme, bande Triest, al è stât un incident che al à cjapât dentri plui machinis e une coriere. Tor de une e mieze di gnot si son dadis cuintri trê autos e dôs di chês si son capotadis. Di une auto il motôr di è stacât e al è lât a finî cuintri des ruedis di une coriere.
Sul puest a son rivâts daurman sanitaris, polizie stradâl, Vigjii dal fûc e l’elisocors regjonâl, cun di plui il personâl di Autostrade Alto Adriatico. Daspò des primis curis, i ferîts a son stâts puartâts in ospedâl, ma nissun di lôr al jere in cundizions griviis. (a.d.g.) – 09.12.2024
