Inseguiment a velocitât fuarte pes stradis di Daçan

Une patulie de Polizie locâl e je corude daûr a une machine di delincuents îr sore sere, pôc dopo des siet e par pôc no à rivât a cjapâle, corint a fuarte velocitât pes stradis di Daçan. Dentri de auto si cjatave une bande di laris che di cualchi setemane e sta batint il teritori.

A pene viodûts i agjents, i laris a son montâts di corse in auto e a son scjampâts. Di chel moment al è tacât l’inseguiment fin cuant che i malvivents no àn rivâts a fâ pierdi lis lôr olmis. (a.d.g.) – 10.12.2024