A Cividât si cirin artiscj zovins de Mitteleurope

Pe cuinte edizion, il “Mittelyoung” al cîr artiscj zovins de Mitteleurope e zovins “curatores”, cun dôs “clamadis viertis” par cjapâ dentri simpri plui fantats e fantatis intun progjet nassût par valorizâ e sostignî la creativitât, il talent e la capacitât espressive des gnovis gjenerazions. Il bant internazionâl si vierç joibe ai 12 (e si sierarà ai 12 di Fevrâr dal an che al ven) e al è dedicât a compagniis e artiscj mitteleuropeans sot dai 30 agns, clamâts a proponi spetacui di teatri, musiche, danze e circ dedicâts a “Tabù”, ven a stâi il teme sielt pal 2025 dal diretôr artistic dal “Mittelfest”, Giacomo Pedini. Compagn di ce che al sucêt de prime edizion, a “Mittelyoung” a son propit i zovins a valutâ lis propuestis artistichis dai propris coetanis: dutis lis candidaturis, di fat, a saran vandudis dal grup di “curatores”, simpri sot dai 30 agns. (A.I.) – 11.12.2024