Venditis tal forest, 730 milions in mancul a pet dal stes periodi dal an passât

Intai prins nûf mês dal 2024 il valôr des venditis tal forest des impresis dal Friûl-Vignesie Julie (14,2 miliarts di euros) al à fat segnâ un câl a pet dal stes periodi dal an passât di 730 milions di euros, vâl a dî 4,9% in mancul. Lu à dit il ricercjadôr de Ires Fvg Alessandro Russo, che al à elaborât i dâts dal Inps.

A nivel talian la variazion e je stade mancul negative cuntun -0,7%; tal Nordest il câl al è stât dal 1,8%; nome il Trentin al à fat plui 3,3%, intant che a son in negatîf ancje Venit e Emilie-Romagne, tal ordin mancul 2,6% e mancul 1%. Inte nestre regjon a son in câl ancje lis importazions, che a segnin un mancul 1,5%. (a.d.g.) – 11.12.2024