La musiche dai cines di Tim Burton sul palc

Sul palc une band di vot elements, ma ancje trucs, costums, senografiis e efiets speciâi par compagnâ il public intun viaç traviers i tancj univiers naratîfs di un regjist visionari. Daspò di agns e desenis di concierts memorabii in Italie e in Europe, The Spleen Orchestra e à costruît un lengaç propri, par tornâ a interpretâ i tocs plui celebris dal compositôr Danny Elfman. “Tim Burton Show”, sabide ai 14 in esclusive regjonâl li dal Capitol di Pordenon, al è un progjet musicâl e teatrâl che al onore l’imagjinari poetic dal regjist Tim Burton, acompagnant il public intun viaç sfolmenât, cui tocs cjolts dai siei cines plui innomenâts, sunâts dal vîf. (A.I.) – 13.12.2024