La grande musiche sacre baroche si cjate cu la tecnologjie par dâ vite a une maraveose esperience sorprendente imersive di scolte e di vision: al sucedarà tal “Giovanni da Udine” domenie ai 15, cul straordenari “Messiah” di Handel, al centri di un avigniment speciâl di grande sugjestion, fat di pueste pal Teatri gnûf. Dilunc dal spetacul, sunât de prestigjose formazion inglese The English Concert & Choir, specializade inte esecuzion dal repertori baroc e direte di Harry Bicket, il teatri si animarà di imagjins coloradis, dant vite a paisaçs spirituâi sugjestîfs. E trasformant la grande sale intune catedrâl des lastris coloradis e ganzantis. In graciis dai soretitui par talian, il public al podarà cun di plui preseâ ancje il test dal Oratori di Handel. Aes 6.30 di dopomisdì, il program de serade al sarà presentât dal scritôr Alberto Mattioli. (A.I.) – 14.12.2024
La musiche sacre si cjate cu la tecnologjie
28