La vite di Michelstaedter ancjemò sul palc

Daspò dal debut a Gurize e lis replichis a Vila Vipolze in Slovenie e a Caprive, e fâs tape joibe ai 19 tal Teatri comunâl di Cormons il spetacul che al puarte in sene la esistence penze e ferbinte di CarlioMichelstaedter, “Abbracciando stretta la vita” (Cjapant a bracecuel strente la vite”. Il spetacul al è nassût de colaborazion tra la Academie civiche di art dramatiche “Nico Pepe” di Udin e il Teatri Stabil Furlan, che al à promovût l’articolât progjet di “Mosaici d’Europa” (Mosaics de Europe), un prolic al Festival di Teatri des Minorancis Linguistichis che si fasarà intal 2025 a Gurize inte suaze des iniziativis di GO!2025, capitâl europeane de culture. Il regjist al è Claudio De Maglio, la consulence dramaturgjiche pal furlan par cure di Carlo Tolazzi, lis musichis di Mariano Bulligan e Alan Malusà Magno. (A.I.) – 18.12.2024