33
A son passe vincj agns che al fâs gospel, la musiche americane di divignince africane che par cualchidun e je leade dome al Nadâl. Ma pal pianist, compositôr e rangjadôr Rudy Fantin, Nadâl al è dut l’an, stant che a son agnorums che al è impegnât a direzi corâls e formazions che a proponin chei classics des fiestis, puartâts achì di une tradizion lontane. Cu la sô formazion, The NuVoices Project, al è impegnât di setemanis ator pal Friûl. Vinars ai 20, la corâl e il grup a presentaran il spetacul “Christmas Textures” tal “Pasolini” di Çarvignan e domenie ai 22 li dal TeatroOrsaria di Premariâs cun cualchi ospit speciâl: la Fvg Orchestra direte di Paolo Paroni e il cjantant american Leslie Sackley. (A.I.) – 19.12.2024
