Massimo Gramellini lu à definît “un professôr come chel dal cine ‘L’attimo fuggente’…” e “il prof che al scrîf libris di sucès”. Enrico Galiano, un insegnant de provincie furlane che al è deventât une stele de rêt e scritôr di sucès, al rive par une sole date in Friûl-Vignesie Julie cul so gnûf lavôr pal teatri: “Sei un mito! Scopri chi sei attraverso i miti greci”. Il spetacul, une lezion ironiche e apassionante che, traviers la conte dai mîts grêcs, al acompagne il public intun viaç ae scuvierte di se, al sarà ospit dal Teatri “Verdi” di Manià sabide ai 21 intal ambit des propuestis culturâls dedicadis al public dai plui zovins, che a celebrin il vincjesim cuint aniversari de gnove viertidure dal teatri. (A.I.) – 20.12.2024
Foto di Y. Martellanz
