Cinc machinis cjapadis dentri di un incident a Bertiûl

Incident cun cinc machinis cjapadis dentri a Bertiûl, pôcs minûts prime des 5 e mieze sore sere, dilunc vie Ponte di Madrisio.

Sul puest a son rivâts daurman i Vigji dal fûc cun scuadris di Codroip e di Tisane che dopo vê metût in sigurece lis machinis, a àn tacât daurman a diliberâ un dai vuidadôrs che al jere restât blocât dentri, taiant e slargjant cu i imprescj a pueste i lamarins.

A son cuatri in dut lis personis feridis curadis dal personâl sanitari rivât cu plui ambulancis e ancje un elicotar. Sul puest a son rivâts ancje i carabinîrs che a àn fat i rilêfs. (a.d.g.) – 22.12.2024