Rivâts inte Cuesture di Udin 21 poliziots gnûfs

A son rivâts i rinfuarçs pe Cuesture di Udin: si trate di 21 poliziots gnûfs, tra chescj 7 a son vice ispetôrs, 10 agjents e altris cuatri agjents in prove. I rinfuarçs a son stâts mandâts di cetantis cuesturis ator pe Italie, soredut dal nord. I gnûfs poliziots a permetaran di cuvierzi i puescj lassâts vueits par cause dai trasferiments.

Il vicjari dal Cuestôr, Leonardo Boido, al à dât il benvignût ai gnûfs coleghis sotlineant la impuartance dal lôr contribût pe comunitât furlane. (a.d.g.) – 08.01.2025