18
La assemblee dai delegâts di Confindustria Udine, tal dopomisdì di vinars ai 10 di Zenâr inte sede di Udin tal palaç Torriani, e confermarà la elezion come president de associazion di Luigino Pozzo, imprenditôr a cjâf de Pmp Group.
Inte metât di Dicembar dal an passât, Pozzo al veve presentât la sô scuadre al Consei gjenerâl fate di Nicola Cescutti, Mario Tonutti e Chiara Valduga tant che vice presidents pal mandât 2025-2029. Pe ocasion, Pozzo – che al cjaparà il puest dal vicepresident in carghe Piero Petrucco, dopo de muart dal president Gianpietro Benedetti ai 28 di Avrîl dal 2024 – al presentarà la scuadre complete e il program dal so mandât. (a.d.g.) – 08.01.2025
