Il dì de memorie a Udin al tache a teatri

Ancje chest an il Comun di Udin al inmanee une schirie di iniziativis pal Dì de memorie: mostris, incuintris, spetacui teatrâi e concierts che a smicjin a stiçâ la riflession e la memorie ative. Il program al è nassût cu la colaborazion di cetantis realtâts culturâls e associazions dal teritori e al tache za sabide ai 11 tal Teatri Palamostre pe stagjon di” Contatto” cu la rapresentazion teatrâl “Salām/Shalom, due padri”, un spetacul gjavât fûr dal romanç “Apeirogon” di Colum McCann, vincidôr dal Premi Terzani tal 2022, cun Massimo Somaglino e Alessandro Lussiana. Fint ae fin dal mês di Fevrâr, il program si disviluparà intun percors culturâl inricjît di apontaments in tancj dai lûcs plui simbolics de citât. Palaç Morpurgo al ospitarà la mostre dedicade aes gnovis “Pieris di berdei”: la scree e je previodude par sabide ai 18 di Zenâr. I teatris citadins principâi a fasaran di curnîs a cualchi avigniment impuartant a teme de memorie: al S. Zorç al larà in sene il spetacul teatrâl par cure di Simularte “La pace è ancora un sogno” (La pâs e je ancjemò un sium), tal Teatron il conciert uficiâl dedicât al Dì de Memorie cu la FVG Orchestra e la Corâl polifoniche di Rude.  (A.I.) – 10.01.2025