Prime il fum che al lave fûr des puartis, dopo la int che e à tacât a scjampâ. Al è sucedût tor de une dopomisdì di vuê in vie Nazionale 41, cuant che un principi di fûc al à creât alarme intun ufici inte ale Nord ovest dal centri comerciâl Corte smeralda a Tavagnà. Il stes puest indulà che ai 5 di Avrîl dal 2022 un fûc al veve fiscât il ristorant “To sushi”, che al à tornât a vierzi dome tal Març dal an dopo.
I Vigji dal fûc a son rivâts sul puest daurman adun cun fuarcis dal ordin e personâl dal 118, che par fortune nol à scugnût curâ nissun, ancje parcè che ducj chei che si cjatavin intal edifici a jerin za jessûts fûr di bessôi.
Si sta investigant par capî cemût che si son impiadis lis flamis, ma al è pussibil che dut al sedi leât a un cuadri eletric indulà che al sarès stât un cort circuit. Limitâts i dams. (a.d.g.) -14.01.2025
