11
La influence si slargje in Friûl Vignesie Julie tant che inte prime setemane di chest an a son stâts regjistrâts 4,53 câs di sindromis ogni mil assistûts. Chest dât al è in cressite lizere a pet de setemane prime cuant che si rivave a 4,24 câs. Plui alt il numar des bandis di Gurize e Triest indulà che si rive a 5,82 câs, intant che a Udin si sbasse a 4,57 câs e tal Friûl Ocidentâl a 3,64 câs.
Al è ce che al salte fûr dal rapuart pandût de Aziende regjonâl di coordenament de salût. La situazion e je in evoluzion. Ancje parcè che, come confermât di Guido Lucchini, president dal Ordin dai miedis di Pordenon, il pic dal infet al rivarà tra un desene di dîs. (a.d.g.) – 14.01.2025
