La Universitât dal Friûl e à fissât la date des elezions pal gnûf retôr, il decim inte storie dal Ateneu, che al varà di cjapâ il puest di Roberto Pinton che al restarà ae vuide fintremai dai 30 di Setembar.
Il gnûf retôr al tacarà a lavorâ ai prin di Otubar e al vuidarà la universitât furlane par sîs agns. Lis votazions che a saran eletronichis e saran fatis in cuatri datis: ai 19 di Març, se dal câs ai 2 e 9 di Avrîl e, pe balotazion, ai 16 di Avrîl. Par jessi elets in prime convocazion e ocor la maiorance assolude.
In seconde e tierce convocazion il quorum si sbasse al 40%. Ae balotazion si larà in câs di mancjade elezion tes primis trê datis e si varà di sielzi tra i doi candidâts che a àn cjapât plui votis inte tierce votazion.
Lis candidaturis a vadin presentadis dai 17 di Zenâr ai 12 di Març. (a.d.g.) – 14.01.2025
