27
La Vuardie di finance e à denunziât un zovin spaçadôr cjatât cun 116 grams di hashish.
Il fat al è sucedût dilunc di un servizi di control ordenari fat inte stazion dai trens di Cjasarse, indulà che i agjents de caserme di S. Vît dal Tiliment a àn controlât il zovin cjatant ancje 116 grams di droghe e biliets di bancje di tai piçul.
La cuantitât e je stade considerade pal fin di spaç e par chest il fantat al è stât denunziât. (a.d.g.) – 15.01.2025
