Pierdite di gas dongje di une cjase a Gurize

In strade si sintive odôr di gas e par chest a son stâts clamâts daurman i Vigjii dal fûc. In vie Boccaccio a Gurize, îr sore sere i pompîrs a àn scuviert che il gas al jesseve fûr di une tubazion che si cjatave dentri de strade e che al jere jentrât ancje intun edifici che si cjate dongje de pierdite, cun nivei alts di concentrazion inte rimesse e al plan tiere.

Par chest i pompîrs a àn daurman cjapade la decision di puartâ fûr une siore intimpade residente al plan tiere che e je lade a durmî li dal fi.

Vuê di matine, dopo vê controlât che la situazion e fos tornade in sigurece, la siore e je podude tornâ in cjase sô. (a.d.g.) – 15.01.2025